டாக்டர் சிவந்தி ஆதித்தனார் பொறியியல் கல்லூரியில் தேசிய தொழில்நுட்ப பயிற்சி பட்டறை

திருச்செந்தூர்:

திருச்செந்தூர் டாக்டர் சிவந்தி ஆதித்தனார் பொறியியல் கல்லூரியில் ஐ.இ.இ.இ. மாணவர்கள் பிரிவு எண் 61401 மற்றும் மின்னணுவியல் தொடர்பியல் துறை சார்பில், ஐ.இ.இ.இ. மெட்ராஸ் பிரிவு நிதி உதவியுடன் ‘திறந்த மென்பொருள் மூலம் சீமாஸ் அனலாக் மற்றும் டிஜிட்டல் சர்க்யூட்’ என்ற தலைப்பில் தேசிய அளவிலான பயிற்சி பட்டறை 2 நாட்கள் நடந்தது. கல்லூரி முதல்வர் வைஸ்லின் ஜிஜி தலைமை தாங்கினார். துறைத்தலைவர் பெனோ வாழ்த்தி பேசினார். பயிற்சி ஒருங்கிணைப்பாளர், இணை பேராசிரியர் மஞ்சித் வரவேற்று பேசினார். பிரான்சிஸ் சேவியர் பொறியியல் கல்லூரி பேராசிரியர்கள் ராஜாகுமார், ஆண்ட்ரூ ராபட் ஆகியோர் சிறப்பு விருந்தினர்களாக கலந்து கொண்டு மாணவர்களுக்கு தொழில்நுட்ப பயிற்சிகளை வழங்கினார்கள். இதில் பல்வேறு கல்லூரிகளில் இருந்து ஏராளமான மாணவ-மாணவிகள் கலந்து கொண்டனர். ஏற்பாடுகளை இணை பேராசிரியர் மற்றும் உதவி பேராசிரியர்கள் செய்து இருந்தனர்.