விவசாயி தற்கொலை

காவேரிப்பட்டணம்:

காவேரிப்பட்டணத்தை அடுத்த கொட்டாயூரை சேர்ந்தவர் பொன்னுசாமி (வயது 65). விவசாயி. இவர் கடந்த சில ஆண்டுகளாக உடல் நலம் பாதிக்கப்பட்டு பல்வேறு மருத்துவமனையில் சிகிச்சை பெற்றார். ஆனால் குணமடையாததால் மனமுடைந்த நிலையில் காணப்பட்டார். 

இந்தநிலையில் அவர் கடந்த 8-ந் தேதி வீட்டில் விஷம் குடித்தார். மயங்கி கிடந்த அவரை உறவினர்கள் மீட்டு சிகிச்சைக்காக காவேரிப்பட்டணம் அரசு மருத்துவமனையில் சேர்த்தனர். அங்கு சிகிச்சை பலனின்றி நேற்று முன்தினம் பொன்னுசாமி இறந்தார். இதுகுறித்து காவேரிப்பட்டணம் போலீசார் விசாரணை நடத்தி வருகிறார்கள்.