கோவிலில் அன்னதானம்

தென்காசி:

தென்காசி அருகே உள்ள காசிதர்மம் மண்ணணையான் கோவில் திருவிழாவை முன்னிட்டு அய்யாத்துரை பாண்டியன் பேரவை சார்பில் அன்னதானம் நடைபெற்றது. முன்னதாக இங்கு உள்ள முத்துராமலிங்கதேவர் சிலைக்கு தொழிலதிபரும் சங்கரன்கோவில் ஏ.வி.கே. கல்வி குழும தலைவருமான அய்யாத்துரை பாண்டியன் மாலை அணிவித்து, அன்னதானத்தை தொடங்கி வைத்தார்.

இந்த நிகழ்ச்சியில் அய்யாத்துரை பாண்டியன் பேரவை தலைவர் பழனிச்சாமி, செயலாளர் சரவணபாபு, பொருளாளர் மணிகண்டன், செயற்குழு உறுப்பினர்கள் மாரியப்பன், வக்கீல் பேச்சிமுத்து, பூலோகராஜ், மற்றும் குமரேச ராஜா, காசிதர்மம் தர்மகர்த்தா முத்தையா தேவர், செந்தூரப்பாண்டி, த.மா.கா. மாவட்டத் தலைவர் அய்யாத்துரை பாண்டியன் உள்பட பலர் கலந்து கொண்டனர்.