லாரியில் சரள் மண் கடத்தியவர் கைது

நெல்லை:

பாளையங்கோட்டை பெருமாள்புரம் போலீசார், ரெட்டியார்பட்டி எழில் நகர் பகுதியில் வாகன சோதனையில் ஈடுபட்டனர். அப்போது அந்த வழியாக வந்த டிப்பர் லாரியை வழிமறித்து சோதனை செய்தபோது, அதில் உரிய அனுமதியின்றி சரள் மண் கடத்திச் சென்றது தெரியவந்தது. இதையடுத்து லாரியுடன் சரள் மண்ணை போலீசார் பறிமுதல் செய்தனர். மேலும் லாரி டிரைவரான நெல்லை அருகே முன்னீர்பள்ளம் பகுதியை சேர்ந்த கொம்பையாவை (வயது 37) கைது செய்தனர்.