பேராவூரணி:
பேராவூரணி அருகே மருங்கப்பள்ளம் கிராமம் சிவன் கோவில் தெருவை சேர்ந்தவர் ராமையா(வயது60). காவலாளியான இவர் நேற்றுமுன்தினம் அதிகாலை வேலையை முடித்துவிட்டு ஒரு தனியார் கல்லூரி நுழைவுவாயிலின் அருகே நின்று கொண்டிருந்தார். அப்போது பேராவூரணியில் இருந்து அறந்தாங்கி நோக்கி சென்ற அடையாளம் தெரியாத வாகனம் மோதி ராமையா மீது மோதியது. இதில் படுகாயமடைந்த அவரை அக்கம்பக்கத்தினர் மீட்டு பேராவூரணி அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக புதுக்கோட்டை அரசு மருத்துவக்கல்லூரி ஆஸ்பத்திரியில் சேர்த்தனர். அங்கு சிகிச்சை பலனின்றி அவர் பரிதாபமாக இறந்தார். இதுகுறித்து பேராவூரணி போலீசில் ராமையாவின் மகன் பழனிவேல் கொடுத்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.