மோட்டார் சைக்கிளை திருடிய 2 பேர் கைது

காரைக்கால் மதகடி பகுதியை சேர்ந்தவர் முரளி. வெல்டிங் கடை நடத்தி வருகிறார். சம்பவத்தன்று இரவு முரளி தனது வீட்டு வாசலில் மோட்டார் சைக்கிளை நிறுத்திவிட்டு தூங்க சென்றார். மறுநாள் காலையில் எழுந்து பார்த்தபோது, மோட்டார் சைக்கிளை காணவில்லை. அதனை மர்மநபர்கள் யாரோ திருடிச்சென்றனர்.

இது குறித்த புகாரின்பேரில் நிரவி போலீசார் வழக்குப்பதிவு செய்து மோட்டார் சைக்கிள் திருடனை தேடி வந்தனர்.

இந்தநிலையில், முரளியின் நண்பர்கள் பாபு, தினகரன் ஆகியோர் விழிதியூர் சாராயக்கடை அருகே சென்றபோது, 2 பேர் திருடு போன முரளியின் மோட்டார் சைக்கிளை தள்ளிச்சென்றதை பார்த்தனர். உடனே அவர்கள், அந்த 2 பேரையும் பொதுமக்கள் உதவியுடன் மடக்கி பிடித்து போலீசில் ஒப்படைத்தனர். விசாரணையில் அவர்கள் தஞ்சை குடவாசலை சேர்ந்த பாண்டியன் (வயது 48), அவரது நண்பர் முருகவேல் (36) என்பது தெரியவந்தது. 

இதையடுத்து அவர்கள் 2 பேரையும் போலீசார் கைது செய்து, மோட்டார் சைக்கிளை பறிமுதல் செய்தனர்.