மருதாந்தலையில் ஜல்லிக்கட்டு: காளைகள் முட்டியதில் 25 பேர் காயம் வீரர்கள் பரிசுகளை அள்ளிச்சென்றனர்

பரிசு பொருட்கள் வழங்குவதில் தாமதத்தால் வாக்குவாதம்  

ஜல்லிக்கட்டில் வெற்றிபெற்ற காளைகளின் உரிமையாளர்களுக்கும், மாடுபிடி வீரர்களுக்கும் 2 லாரிமுழுவதும் பல்வேறு பரிசுகள் ஏற்றிவரப்பட்டு விழா குழுவினரால் வழங்கப்பட்டது. அப்போது பரிசு வழங்குவதில் தாமதம் ஏற்பட்டதால் மாட்டின் உரிமையாளருக்கும், பரிசு வழங்கும் விழா கமிட்டியாளர்களுக்கும் பிரச்சினை ஏற்பட்டு வாக்குவாதம் ஏற்பட்டது. அப்போது காளையின் உரிமையாளர் ஒருவர் பரிசு பொருட்களை தூக்கி எறிந்ததால் பரபரப்பு ஏற்பட்டது. பின்னர் போலீசார் சமாதானம் செய்து அவருக்கு மற்று பரிசு பொருளை வழங்கி பிரச்சினையை சரிசெய்தனர். இதனால் சிறிதுநேரம் ஜல்லிக்கட்டு நிறுத்தப்பட்டது.

ஜல்லிக்கட்டில் கலந்து கொண்ட சீரங்கம்பட்டியை சேர்ந்த மணி என்பவரது ஜல்லிக்கட்டு காளை ஒன்று ஜல்லிக்கட்டு திடலில் இருந்து அருகாமையிலிருந்த 50 அடி ஆழமுள்ள கிணற்றில் தவறி விழுந்தது. இதனையடுத்து தகவறிந்த அன்னவாசல் தீயணைப்பு நிலைய அலுவலர் ஜெகதீசன் தலைமையிலான தீயணைப்பு துறை வீரர்கள் சம்பவ இடத்திற்கு விரைந்து வந்து கிணற்றுக்குள் இறங்கி ஜல்லிக்கட்டு காளையை உயிருடன் மீட்டு வெளியே கொண்டு வந்தனர். இதனால் அப்பகுதியில் பரபரப்பு ஏற்பட்டது.