மணல் கடத்தியவர் கைது; டிராக்டர் பறிமுதல்

இலுப்பூர் அருகே பிலிப்பட்டி பகுதியில் சிலர் மணல் கடத்தி செல்வதாக போலீசாருக்கு ரகசிய தகவல் கிடைத்தது. அதன்பேரில், தனிப்படை சிறப்பு போலீஸ் சப்-இன்ஸ்பெக்டர் பாலமுருகன் தலைமையிலான போலீசார் பிலிப்பட்டி பகுதியில் வாகன சோதனையில் ஈடுபட்டனர். அப்போது அந்த வழியாக வந்த டிராக்டரை தடுத்து நிறுத்தி சோதனை செய்தனர். அப்போது டிராக்டரில் மணல் கடத்தி வந்தது தெரியவந்தது. இதையடுத்து டிராக்டரை போலீசார் பறிமுதல் செய்து இலுப்பூர் போலீஸ் நிலையத்தில் ஒப்படைத்தனர். இதுகுறித்து போலீசார் வழக்குப்பதிவு செய்து மாந்திராம்பட்டியை சேர்ந்த பாலமுத்து (வயது 40) என்பவரை கைது செய்து சிறையில் அடைத்தனர்.