தினத்தந்தி புகார் பெட்டி
தினத்தந்தி புகார் பெட்டிக்கு 89398 18888 என்ற ‘வாட்ஸ்-அப்’ எண்ணில் வந்துள்ள மக்கள் குறைகள் தொடர்பான பதிவுகள் வருமாறு:-
நாய்களால் தொல்லை
புதுக்கோட்டை மாவட்டம், ஆலங்குடி தாலுகா, கீரமங்கலம் சுற்றுவட்டார பகுதிகளில் அளவுக்கு அதிகமாக தெரு நாய்கள் சுற்றி வருகின்றன. குறிப்பாக இரவு நேரங்களில் போக்குவரத்துக்கு இடையூறாகவும், அதே வேளையில் உயிருக்கு அச்சுறுத்தலாகவும் உள்ளது. ஆகவே உரிய அலுவலர்கள் நடவடிக்கை மேற்கொண்டு தெரு நாய்களை பிடித்து செல்லுமாறு கேட்டுக்கொள்கிறோம்.
செந்தில், கீரமங்கலம், புதுக்கோட்டை.
கழிவுநீரால் சுகாதார சீர்கேடு
பெரம்பலூர் மாவட்டம், குரும்பலூர் பேரூராட்சி தந்தை பெரியார் தெரு வார்டு எண் 10, 15 பகுதியில் ஏராளமான பொதுமக்கள் வசித்து வருகின்றனர். இந்த பகுதியில் சாக்கடை செல்வதற்கு முறையான வடிகால் இல்லை. இதனால் வீடுகளில் இருந்து வெளியேறும் கழிவுநீர் ெதருவில் ஆறுபோல ஓடுகிறது. இதனால் அதில் இருந்து கொசுக்கள் உற்பத்தியாகி சுகாதார சீர்கேடு ஏற்பட்டு நோய் பரவும் அபாயம் ஏற்பட்டுள்ளது. எனவே சம்பந்தப்பட்ட அதிகாரிகள் இதுகுறித்து உடனடியாக நடவடிக்கை எடுக்க கேட்டுக் கொள்கிறோம்.
சித்ரா, குரும்பலூர், பெரம்பலூர்