எல்.ஐ.சி. ஊழியர்கள் வேலைநிறுத்த போராட்டம்

ஆயுள் காப்பீட்டு கழகத்தின் 3.5 சதவீத பங்கு விற்பனையை கண்டித்து நேற்று கரூர் சர்ச் கார்னர் சாலையில் உள்ள எல்.ஐ.சி. அலுவலகத்தின் ஊழியர்கள் காலை 11.30 மணி முதல் மதியம் 1.30 மணி வரை 2 மணிநேர வெளிநடப்பு வேலை நிறுத்த போராட்டத்தில் ஈடுபட்டனர். அப்போது கோரிக்கையை வலியுறுத்தி ஆர்ப்பாட்டத்தில் ஈடுபட்டனர். 

இதற்கு கரூர் கிளை 1 தஞ்சை கோட்ட சங்க   துணை தலைவர் கணேசன் தலைமை தாங்கினார். இதில் ஊழியர்கள் முத்துக்குமார், அருணகிரி, தியாகராஜன் உள்பட பலர் கலந்து கொண்டு கோஷங்களை எழுப்பினர். முடிவில் கிளை செயலாளர் ஜெயபிரகாஷ் நன்றி கூறினார்.