நாமக்கல் மண்டலத்தில் முட்டை விலை 20 காசுகள் சரிவு-360 காசுகளாக நிர்ணயம்

நாமக்கல்:

நாமக்கல் மண்டலத்தில் முட்டை கொள்முதல் விலை 380 காசுகளாக இருந்து வந்தது. இந்தநிலையில் நேற்று நாமக்கல்லில் நடந்த தேசிய முட்டை ஒருங்கிணைப்புகுழு கூட்டத்தில் அதன் விலையை 20 காசுகள் குறைக்க முடிவு செய்தனர். எனவே முட்டை விலை 360 காசுகளாக சரிவடைந்து உள்ளது.

பிற மண்டலங்களில் முட்டை விலை காசுகளில் வருமாறு:-

சென்னை-410, ஐதராபாத்-320, விஜயவாடா-315, மைசூரு-394, மும்பை-385, பெங்களூரு-390, கொல்கத்தா-370, டெல்லி-310.

வட மாநிலங்களில் வெயிலின் தாக்கம் அதிகமாக இருப்பதால் அங்கு பொதுமக்கள் இடையே முட்டை நுகர்வு குறைந்து உள்ளது. இதனால் ஐதராபாத் உள்ளிட்ட பிற மண்டலங்களில் முட்டையின் கொள்முதல் விலை சரிவடைந்து வருகிறது. மேலும் நாமக்கல் மண்டலத்தில் இருந்து வட மாநிலங்களுக்கு முட்டைகளை விற்பனைக்கு அனுப்புவது வெகுவாக பாதிக்கப்பட்டு உள்ளது. இதுவே முட்டை கொள்முதல் விலை சரிவுக்கு காரணம் என பண்ணையாளர்கள் தெரிவித்தனர்.

கறிக்கோழி கிலோ ரூ.110-க்கும், முட்டைக்கோழி கிலோ ரூ.75-க்கும் விற்பனை செய்யப்பட்டு வருகிறது. அவற்றின் விலைகளில் மாற்றம் செய்யப்படவில்லை என பண்ணையாளர்கள் தெரிவித்தனர்.