மோட்டார் சைக்கிள் விபத்தில் 2 பேர் பலி

ஆம்பூர்

திருப்பத்தூர் மாவட்டம் வாணியம்பாடியை சேர்ந்த நதீம் (வயது 20), பாரூக் (19), அப்துல் கபூர் (19) ஆகியோர் ஒரே மோட்டார் சைக்கிளில் வாணியம்பாடியில் இருந்து ஆம்பூர் நோக்கி நேற்று சென்று கொண்டிருந்தனர். 

ஆம்பூர் அருகே மாரப்பட்டு தேசிய நெடுஞ்சாலையில் மோட்டார் சைக்கிள் வந்து கொண்டிருந்த போது கட்டுப்பாட்டை இழந்து விபத்துக்குள்ளானது. 

இதில் நதீம், பாரூக் ஆகியோர் சம்பவ இடத்திலேயே உயிரிழந்தனர்.

 மேலும் படுகாயமடைந்த அப்துல் கபூரை அப்பகுதி மக்கள் மீட்டு வாணியம்பாடி அரசு மருத்துவமனைக்கு அனுப்பி வைத்தனர். 

இதுகுறித்து தகவலறிந்து சம்பவ இடத்திற்கு விரைந்து வந்த ஆம்பூர் துணை போலீஸ் சூப்பிரண்டு சரவணன் தலைமையிலான போலீசார் விபத்து குறித்து விசாரணை நடத்தி வருகின்றனர்.