வாலிபர் உள்பட 2 பேர் தற்கொலை

உளுந்தூர்பேட்டை, 

உளுந்தூர்பேட்டை அருகே உள்ள செங்குறிச்சி கிராமத்தை சேர்ந்தவர் முருகன் (வயது 48) தொழிலாளி. இவரும், இவருடைய மனைவியும் கடந்த பல ஆண்டுகளாக பிரிந்து வாழ்ந்து வந்ததாக தெரிகிறது. இதில் மனமுடைந்த  முருகன் அதே ஊரில் உள்ள ஒரு மரத்தில் தூக்குப்போட்டு தற்கொலை செய்து கொண்டார். இது குறித்த புகாரின் பேரில் உளுந்தூர்பேட்டை போலீசார் வழக்குப்பதிவு செய்து விசாரணை நடத்தி வருகின்றனர். 

உளுந்தூர்பேட்டை அருகே  கல்லமேடு கிராமத்தை சேர்ந்தவர் வீரமுத்து (26). இவருடைய மனைவி கடந்த ஓராண்டுக்கு முன்பு இறந்துவிட்டார். இதில் மனமுடைந்த வீரமுத்து தனது வீட்டில் வேட்டியால் தூக்குப் போட்டுக்கொண்டார். இதைபார்த்த அக்கம் பக்கத்தினர் அவரை மீட்டு சிகிச்சைக்காக உளுந்தூர்பேட்டை அரசு ஆஸ்பத்திரிக்கு கொண்டு சென்றனர். அங்கு அவரை பரிசோதனை செய்த டாக்டர்கள், வீரமுத்து ஏற்கனவே இறந்துவிட்டதாக தெரிவித்தனர். இதுகுறித்து திருநாவலூர் போலீசார் வழக்குப்பதிவு செய்து விசாரித்து வருகின்றனர்.