பழைய இரும்பு கடையில் திருடியவர் கைது

வடமதுரை:

வடமதுரை மகாலட்சுமி நகரை சேர்ந்தவர் ராஜா (வயது 45). இவர், வடமதுரை ெரயில்நிலைய சாலையில் உள்ள தனியார் வங்கி அருகே பழைய இரும்புக்கடை நடத்தி வருகிறார். நேற்று ராஜா கடைக்கு வந்தார். 

அப்போது கடையில் இருந்த இரும்பு பொருட்களை மர்ம நபர் ஒருவர் திருடி சாக்குமூட்டையில் கட்டிக் கொண்டிருந்தார். இதைக்கண்ட ராஜா அக்கம்பக்கத்தினர் உதவியுடன் அவரை பிடித்து வடமதுரை போலீஸ் நிலையத்தில் ஒப்படைத்தார். 

விசாரணையில் அவர், வத்தலக்குண்டு காந்தி நகரை சேர்ந்த முகமதுஷெரிப் (45) என்பது தெரியவந்தது. இதுகுறித்து வடமதுரை போலீஸ் சப்-இன்ஸ்பெக்டர் ராஜசேகர் வழக்குப்பதிவு செய்து, அவரை கைது செய்தார்.