மூதாட்டி தவறி விழுந்து சாவு
ஸ்கூட்டாில் லிப்ட் கேட்டு சென்ற மூதாட்டி தவறி விழுந்து உயிரிழந்தார்.
ஆம்பூர்
வேலூர் மாவட்டம் கீழ்மாச்சம்பட்டு கிராமத்தை சேர்ந்தவர் மணியம்மாள் (வயது 71). இவர் கடந்த 20-ந் தேதி பெண் ஒருவரின் ஸ்கூட்டரில் லிப்ட் கேட்டு சென்றார். திருப்பத்தூர் மாவட்டம் ஆம்பூர் அருகே உமராபாத்தில் உள்ள பேரணாம்பட்டு சாலை வழியாக சென்றபோது திடீரென மணியம்மாள் ஸ்கூட்டரில் இருந்து தவறி விழுந்தார்.
இதில் படுகாயமடைந்த அவரை அப்பகுதி மக்கள் மீட்டு ஆம்பூர் அரசு மருத்துவமனைக்கு அனுப்பி வைத்தனர். பின்னர் மேல்சிகிச்சைக்காக வேலூர் அரசு மருத்துவமனையில் சேர்க்கப்பட்டார். அங்கு சிகிச்சை பலனின்றி மணியம்மாள் பரிதாபமாக உயிரிழந்தார். இதுகுறித்து உமராபாத் போலீசார் விசாரணை நடத்தி வருகின்றனர்.