பரமத்திவேலூரில் திருஞானசம்பந்தர் மடத்தில் குருபூஜை

பரமத்திவேலூர்:

பரமத்திவேலூர் பேட்டையில் உள்ள திருஞானசம்பந்தர் மடத்தில் சித்திரை மாத சதய நட்சத்திரத்தையொட்டி குருபூஜை நடந்தது. இதையொட்டி காலை 8 மணி முதல் மதியம் 2 மணி வரை பால், தயிர், இளநீர், மஞ்சள் மற்றும் பல்வேறு வகையான திரவியங்களால் சிறப்பு அபிஷேக ஆராதனை நடந்தது. தொடர்ந்து சிறப்பு பூஜை நடந்தது. பின்னர் திருஞானசம்பந்தர் சிறப்பு அலங்காரத்தில் பக்தர்களுக்கு அருள்பாலித்தார். இதில் பரமத்திவேலூர் மற்றும் சுற்று வட்டாரத்தை சேர்ந்த பக்தர்கள் திரளாக கலந்து கொண்டு சாமி தரிசனம் செய்தனர். முடிவில் அனைவருக்கும் அன்னதானம் வழங்கப்பட்டது.