எருமப்பட்டியில் மோட்டார் சைக்கிள் மோதி முதியவர் பலி

எருமப்பட்டி:

எருமப்பட்டி அம்பேத்கர் நகரை சேர்ந்தவர் கோவிந்தன் (வயது 77). இவர் பொட்டிரெட்டிபட்டி ஊராட்சி பொன்னேரி கிராமம் ஸ்ரீராம் நகரில் உறவினர் வீட்டில் வசித்து வந்தார். இந்தநிலையில் சம்பவத்தன்று அவர் எருமபட்டியில் இருந்து உறவினர் வீட்டுக்கு நடந்து சென்றார். அரசு பெண்கள் பள்ளி எதிரே பொன்னேரி கைகாட்டியில் இருந்து எருமப்பட்டி நோக்கி சென்ற மோட்டார் சைக்கிள் அவர் மீது மோதியது. இதில் தூக்கி வீசப்பட்ட கோவிந்தன் பலத்த காயம் அடைந்து சம்பவ இடத்திலேயே பலியானார். விபத்து குறித்து தகவல் அறிந்த எருமப்பட்டி போலீசார் கோவிந்தன் உடலை கைப்பற்றி பிரேத பரிசோதனைக்காக நாமக்கல் அரசு ஆஸ்பத்திரிக்கு அனுப்பி வைத்தனர். மேலும் விபத்து தொடர்பாக வழக்குப்பதிவு செய்து விசாரணை நடத்தி வருகிறார்கள்.