மோட்டார் சைக்கிள் மோதி தொழிலாளி பலி

கரூர் அருகே உள்ள ஆத்தூர் சக்தி நகரை சேர்ந்தவர் ஆனந்த் (வயது 55). கூலி தொழிலாளி. இவர், சம்பவத்தன்று மாங்காய் சோலிப்பாளையம் பகுதியில் நடந்து சென்று கொண்டிருந்தார். அப்போது அந்த வழியாக அதே பகுதியை சேர்ந்த பழனியப்பன் என்பவர் ஓட்டி வந்த மோட்டார் சைக்கிள் எதிர்பாராத விதமாக ஆனந்த் மீது மோதியது. இதில் தூக்கி வீசப்பட்ட அவர் படுகாயம் அடைந்தார். இதைக்கண்ட அந்த வழியாக சென்றவர்கள் படுகாயம் அடைந்த அவரை மீட்டு சிகிச்சைக்காக மருத்துவமனைக்கு அனுப்பி வைத்தனர். அங்கு ஆனந்தை பரிசோதனை செய்த டாக்டர்கள் அவர் ஏற்கனவே இறந்து விட்டதாக தெரிவித்தனர். இந்த விபத்து குறித்து வாங்கல் போலீஸ் சப்-இன்ஸ்பெக்டர் உதயகுமார் வழக்குப்பதிவு செய்து விசாரணை நடத்தி வருகிறார்.