திருவலம் அருகே ஏரியில் தவறி விழுந்து எலக்ட்ரீசியன் பலி

திருவலம்

திருவலம் அருகே உள்ள முத்தரசிகுப்பம் காலனி பகுதியை சேர்ந்தவர் ராஜேஷ் (வயது 42). எலக்ட்ரீசியன். இவர் நேற்று முன்தினம் முத்தரசிகுப்பம் ஏரியில் மீன் பிடிக்க சென்றார். அப்போது ஏரியில் தவறி விழுந்து இறந்துள்ளார்.

இது குறித்து தகவலறிந்த மேல்பாடி போலீசார் சம்பவ இடத்திற்கு சென்று பிணத்தை கைப்பற்றி வேலூர் அரசு மருத்துவமனைக்கு பிரேத பரிசோதனைக்கு அனுப்பி வைத்தனர். மேலும் இது குறித்து வழக்குப்பதிவு செய்து விசாரணை நடத்தி வருகின்றனர்.