வணிகர் சங்க பேரமைப்பு ஆலோசனை கூட்டம்

பழனி: 

பழனி நகர வணிகர் சங்க பேரமைப்பின் ஆலோசனை கூட்டம் பழனியில் நடைபெற்றது. இதற்கு கவுரவ தலைவர் ஹரிகரமுத்து தலைமை தாங்கினார். தலைவர் ஜே.பி.சரவணன் முன்னிலை வகித்தார். மண்டல தலைவர் கிருபாகரன், செயல் தலைவர் நடராஜன் ஆகியோர் சிறப்பு அழைப்பாளர்களாக கலந்துகொண்டனர். 

கூட்டத்தில், திருச்சியில் நடைபெறவுள்ள வணிகர் சங்க மாநில மாநாட்டில் பழனி பகுதியில் இருந்து வணிகர்கள் திரளாக கலந்துகொள்வது, அதற்கான ஏற்பாடுகள் குறித்து ஆலோசிக்கப்பட்டது. கூட்டத்தில் பழனி நகர வணிகர் சங்க பேரமைப்பு நிர்வாகிகள் பலர் கலந்துகொண்டனர். முடிவில் கூட்டத்தில் கலந்துகொண்ட நிர்வாகிகளுக்கு மாநாட்டிற்கான அழைப்பிதழ் வழங்கப்பட்டது.