சரக்கு வேன் மோதி மூதாட்டி சாவு

புதுக்கோட்டை சேங்கை தோப்பு பகுதியை சேர்ந்தவர் அம்மாக்கண்ணு (வயது 80). இவர் சம்பவத்தன்று டி.வி.எஸ். கார்னர் அருகே சாலையில் நடந்து சென்று கொண்டிருந்தார். அப்போது அந்த வழியாக வந்த சரக்கு வேன் அவர் மீது மோதியது. இதில் படுகாயமடைந்த அம்மாக்கண்ணு சம்பவ இடத்திலேயே பரிதாபமாக இறந்தார். இந்த விபத்து குறித்து புதுக்கோட்டை டவுன் போலீசார் வழக்குப்பதிவு செய்து விசாரணை நடத்தி வருகின்றனர்.