தென்னை மரத்தில் இருந்து தவறி விழுந்து டிரைவர் பலி

ஓசூர்:

ஓசூர் ஒன்னல்வாடியை சேர்ந்தவர் சின்னராஜ் (வயது 33). லாரி டிரைவர். இவர் வீட்டு அருகில் தென்னை மரத்தில் தேங்காய் பறிக்க ஏறினார். அப்போது அவர் தவறி கீழே விழுந்தார். அவரை அருகில் இருந்தவர்கள் மீட்டு ஓசூர் அரசு ஆஸ்பத்திரியில் சேர்த்தனர். பின்னர் ஈரோடு மாவட்டம் பெருந்துறை மருத்துவக்கல்லூரி மருத்துவமனையில் அவரை சேர்த்தனர். அங்கு சிகிச்சை பலனின்றி சின்னராஜ் இறந்தார். இது குறித்து ஓசூர் டவுன் போலீசார் விசாரணை நடத்தி வருகிறார்கள்.