தூத்துக்குடி முத்தையாபுரத்தில் விபத்தில் முதியவர் சாவு

தூத்துக்குடி முத்தையாபுரம் மேல தெருவை சேர்ந்தவர் கந்தையா (வயது 75). இவர் நேற்று மோட்டார் சைக்கிளில் முத்தையாபுரம் பொன்னாண்டி நகர் பகுதியில், தூத்துக்குடி- திருச்செந்தூர் சாலையை கடந்து சென்று கொண்டிருந்தார். அப்போது திருச்செந்தூரில் இருந்து தூத்துக்குடி நோக்கி வந்த லோடு ஆட்டோ இவரது மோட்டார் சைக்கிள் மீது மோதியது. இதில் மோட்டார் சைக்கிளில் இருந்து தூக்கி வீசப்பட்டு பலத்த காயமடைந்த கந்தையாவை அக்கம் பக்கத்தினர் மீட்டு சிகிச்சைக்காக தூத்துக்குடி அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர்கள் அவர் வரும் வழியிலேயே இறந்துவிட்டதாக தெரிவித்தனர். இதுகுறித்த புகாரின் பேரில் முத்தையாபுரம் போலீசார் வழக்குப்பதிவு செய்து விசாரணை நடத்தி வருகின்றனர்.