பெண்ணுக்கு கொலை மிரட்டல் விடுத்தவர் கைது

விளாத்திகுளம் அருகே உள்ள புதூர் நல்லமூப்பன் மடம் பகுதியைச் சேர்ந்த ராஜேந்திரன் மனைவி வசந்தா (வயது 54). இவருக்கும், செங்கோட்டை தெற்கு தெருவை சேர்ந்த பெயின்ட்டர் பச்சை பெருமாள் (41) என்பவருக்கும் முன்விரோதம் இருந்து வந்துள்ளது. இந்நிலையில் சம்பவத்தன்று வசந்தா அவரது வீட்டின் அருகே நின்று கொண்டிருந்தார். அப்போது அங்கு வந்த பச்சை பெருமாள், வசந்தாவிடம் தகராறு செய்து கத்தியை காட்டி கொலை மிரட்டல் விடுத்துள்ளார். இதுகுறித்து வசந்தா அளித்த புகாரின் பேரில் புதூர் போலீசார் வழக்கு பதிவு செய்து பச்சை பெருமாளை கைது செய்து சிறையில் அடைத்தனர்.