மழைக்கு வீட்டின் மேற்கூரை இடிந்தது

அச்சன்புதூர்:

செங்கோட்டை தாலுகா அச்சன்புதூர் அருகே உள்ள வடகரை ஜாகிர் உசேன்நகர் 3-வது தெருவை சேர்ந்தவர் சாகுல் ஹமீது, விவசாயி. இவர் நேற்று மாலை தனது மனைவி மற்றும் குடும்பத்தினருடன் அருகில் உள்ள திண்ணையில் அமர்ந்து இருந்தார். அப்போது இடி-மின்னலுடன் பலத்த மழை பெய்து கொண்டிருந்தது. அப்போது திடீரென வீட்டின் மேற்கூரை பெயர்ந்து கீழே விழுந்தது. வீட்டில் அனைவரும் திண்ணையில் அமர்ந்து இருந்ததால் அதிர்ஷ்டவசமாக காயம் இன்றி தப்பினர்.