ஜூனியர் ரெட்கிராஸ் ஆலோசகர்களுக்கு பயிற்சி

செஞ்சி, 

செஞ்சி கல்வி மாவட்டத்தை சேர்ந்த அரசு பள்ளிகளில் உள்ள ஜூனியர் ரெட் கிராஸ் ஆலோசகர்களுக்கு ஒரு நாள் பயிற்சி முகாம் செஞ்சி வட்டார வள மையத்தில் நடைபெற்றது. நிகழ்ச்சிக்கு செஞ்சி மாவட்ட கல்வி அலுவலர் கலைவாணி தலைமை தாங்கி, பயிற்சி முகாமை தொடங்கி வைத்தார். ஜூனியர் ரெட் கிராஸ் விழுப்புரம் மாவட்ட முன்னாள் கன்வீனர் முரளிதரன், விழுப்புரம் கல்வி மாவட்ட கன்வீனர் பாபு செல்வதுரை, பள்ளி துணை ஆய்வாளர் விநாயகமூர்த்தி ஆகியோர் வாழ்த்துரை வழங்கினர். மாநில பயிற்றுநர்கள் தண்டபாணி, சின்னப்பன் ஆகியோர் கலந்துகொண்டு கருத்துரை மற்றும் பயிற்சி வழங்கினர், செஞ்சி கல்வி மாவட்ட கன்வீனர் நடராசன் நிகழ்ச்சியை ஒருங்கிணைத்தார்.