ரேஷன் கோதுமை கடத்திய 2 பேர் கைது

தென்காசி:

நெல்லை மாவட்ட  உணவுப்பொருள் கடத்தல் தடுப்பு பிரிவு போலீசார் தென்காசி மாவட்டம் ஆலங்குளம் - கல்லூத்து ரோட்டில் துத்திகுளம் விலக்கு அருகே வாகன சோதனையில் ஈடுபட்டனர். அப்போது அந்த பகுதியில் வந்த ஒரு மினி லாரியை மறித்து சோதனை செய்ததில், 55 மூட்டைகளில் 2 ஆயிரத்து 200 கிலோ ரேஷன் கோதுமை இருந்ததும், அவற்றை கடத்தி சென்றதும் தெரியவந்தது. 

இதுதொடர்பாக லாரியில் இருந்த ஆலங்குளம் அருகே உள்ள முத்துகிருஷ்ணபேரி பகுதியை சேர்ந்த வெங்கடேஷ் (26), சுந்தர் (28) ஆகியோரை கைது செய்து, அவர்களிடமிருந்து 2 ஆயிரத்து 200 கிலோ ரேஷன் கோதுமையை லாரியுடன் பறிமுதல் செய்தனர்.