ஆயுதத்துடன் நின்று கொண்டிருந்தவர் கைது

விருதுநகர், 

விருதுநகர் முத்தால் நகரை சேர்ந்தவர் மணிகண்டன் (வயது 35). இவர் இந்நகர் ராமமூர்த்தி ரோட்டில் உள்ள ஏ.டி.எம். மையம் முன்பு நின்று கொண்டிருந்தபோது அந்த வழியாக வந்த பாண்டியன்நகர் போலீசாரை கண்டதும் தப்பி ஓட முயன்றதாக கூறப்படுகிறது. போலீசார் அவரை மடக்கி பிடித்து சோதனை மேற்கொண்டபோது மணிகண்டனிடம் மரக் கைப்பிடியுள்ள இரும்பு வாள் இருந்தது. அதனை பறிமுதல் செய்த போலீசார், மணிகண்டனை கைது செய்து வழக்குப்பதிவு செய்துள்ளனர்.