பெட்டிக்கடையில் மது விற்றவர் கைது

அரியலூர் மாவட்டம் கயர்லாபாத் சப்-இன்ஸ்பெக்டர் கோவிந்தசாமி தலைமையிலான போலீசார் அப்பகுதியில் ரோந்து சென்றனர். அப்போது காவனூர் தெற்கு தெருவை சேர்ந்த சுரேஷ் (வயது 39) என்பவர் தனது பெட்டிக்கடையில் மது பாட்டில்களை பதுக்கி கூடுதல் விலைக்கு விற்பனை செய்தது தெரியவந்தது. இதையடுத்து, அவரை போலீசார் கைது செய்தனர். மேலும், விற்பனைக்காக வைத்திருந்த மதுபாட்டில்களும் பறிமுதல் செய்யப்பட்டன.