நொய்யல்,
நொய்யல் ஈ.வே.ரா. பெரியார் அரசு மேல்நிலைப்பள்ளி, குளத்துப்பாளையம் அரசு ஆரம்பப்பள்ளி, வேட்டமங்கலம் அரசு ஆரம்பப்பள்ளி உள்ளிட்ட பல்வேறு பகுதிகளில் கொரோனா தடுப்பூசி முகாம் நடைபெற்றது. முகாமில் ஓலப்பாளையம் அரசு ஆரம்ப சுகாதார நிலைய மருத்துவ அலுவலர் தலைமையில் சுகாதார செவிலியர்கள், சுகாதார ஆய்வாளர்கள், சுகாதார தன்னார்வலர்கள், உதவியாளர்கள் கொண்ட குழுவினர் முகாமில் கலந்துகொண்ட 18 வயதுக்கு மேற்பட்ட ஆண்கள் மற்றும் பெண்கள், பாலூட்டும் தாய்மார்கள், மாற்றுத் திறனாளிகள் ஆகியோருக்கு முதல் மற்றும் 2-ம் தவணை தடுப்பூசி போட்டனர்.
அதேபோல் 100 சதவீத இலக்கை எட்டும் வகையில் சுகாதார மருத்துவர்கள் தலைமையில் சுகாதார செவிலியர்கள் கொண்ட குழுவினர் கிராம புறங்களில் வீடு, வீடாகச் சென்று முதியவர்கள், பாலூட்டும் தாய்மார்கள், மாற்றுத்திறனாளிகள் மற்றும் முகாமிற்கு வராதவர்களுக்கு தடுப்பூசி போட்டனர்.