பெட்ரோல்- கியாஸ் விலை உயர்வை கண்டித்து காங்கிரஸ் கட்சியினர் ஆர்ப்பாட்டம்

பெரம்பலூர்:

பெட்ரோல்-டீசல் மற்றும் கியாஸ் சிலிண்டர் விலை உயர்வை கண்டித்து பெரம்பலூரில் காங்கிரஸ் கட்சியினர் 2-வது முறையாக நேற்று நூதன ஆர்ப்பாட்டத்தில் ஈடுபட்டனர். பெரம்பலூர் பழைய பஸ் நிலையம் அருகே காந்தி சிலை முன்பு நடந்த இந்த ஆர்ப்பாட்டத்திற்கு கட்சியின் மாவட்ட தலைவர் சுரேஷ் தலைமை தாங்கினார். அப்போது கட்சியினர், தட்டு ரிக்‌ஷா வண்டியில் மோட்டார் சைக்கிள், கியாஸ் சிலிண்டரை ஏற்றி, அவற்றுக்கு மாலை அணிவித்து ஆர்ப்பாட்டத்தில் ஈடுபட்டு, பின்னர் தட்டு ரிக்‌ஷாவை ஊர்வலமாக இழுத்து சென்றனர். மேலும் அவர்கள் பெட்ரோல்-டீசல், கியாஸ் சிலிண்டர் விலை உயர்வை மத்திய அரசு உடனடியாக குறைக்க வேண்டும் என்ற கோஷத்தை எழுப்பினர்.