கஞ்சா விற்றவர் கைது

செங்கல்பட்டு,

செங்கல்பட்டு, தண்டுக்கரை பகுதியில் கஞ்சா விற்பனை செய்யப்படுவதாக செங்கல்பட்டு தாலுகா போலீசாருக்கு ரகசிய தகவல் கிடைத்தது. அதன்பேரில் போலீஸ் இன்ஸ்பெக்டர் அசோகன் தலைமையிலான போலீசார் மேலமையூர், செங்கல்பட்டு அருகேயுள்ள தண்டுக்கரை, ஆண்டாள் நகரைச் சேர்ந்தவர் வின்சென்ட் (வயது 50) என்பவர் வீட்டில் திடீர் சோதனை செய்தனர். இதில் அவர் கஞ்சா விற்பனை செய்துவந்து தெரியவந்தது. இதனையடுத்து வின்சென்டை கைது செய்த போலீசார், அவரிடமிருந்த 2½ கிலோ கஞ்சாவையும் பறிமுதல் செய்தனர்.