காரில் ரேஷன் அரிசி கடத்தியவர் கைது

நெல்லை:

நெல்லை உணவு கடத்தல் தடுப்பு பிரிவு போலீஸ் இன்ஸ்பெக்டர் கோட்டைசாமி தலைமையில் போலீசார் நாங்குநேரி தபால் நிலையம் பகுதியில் நேற்று வாகன சோதனையில் ஈடுபட்டனர்.

அப்போது ஒரு காரில் சோதனை நடத்தியதில், 20 மூட்டைகளில் 800 கிலோ ரேஷன் அரிசி கடத்தி வந்தது கண்டுபிடிக்கப்பட்டது.

இதுதொடர்பாக நாங்குநேரி செல்வன் நகரை சேர்ந்த சுப்பையா (வயது 46) என்பவரை போலீசார் கைது செய்தனர்.