கிரானைட் கற்கள் கொண்டு சென்ற 2 லாரிகள் பறிமுதல்

ராயக்கோட்டை:

கிருஷ்ணகிரி கனிம வள பிரிவு உதவி இயக்குனர் பொன்னுமணி தலைமையில் அதிகாரிகள் உத்தனப்பள்ளி சாலையில் சூளகிரி ஜங்ஷன் பக்கமாக வாகன சோதனையில் ஈடுபட்டனர். அப்போது அங்கு நின்ற 2 லாரிகளை சோதனை செய்த போது அதில் கிரானைட் கற்கள் அனுமதியின்றி எடுத்து வரப்பட்டது தெரிய வந்தது. இதையடுத்து அதிகாரிகள் கொடுத்த புகாரின் பேரில் உத்தனப்பள்ளி போலீசார் வழக்குப்பதிவு செய்து 2 லாரிகளையும் பறிமுதல் செய்தனர்.