கிருஷ்ணகிரி ஓசூரில் இளநிலை முதுநிலை தட்டச்சு தேர்வு

கிருஷ்ணகிரி:

கிருஷ்ணகிரி அரசு பாலிடெக்னிக் கல்லூரி மற்றும் ஓசூர் அதியமான் பொறியியல் கல்லூரியில், நேற்று முன்தினம் மற்றும் நேற்று என 2 நாட்கள் ஆங்கிலம், தமிழ் இளநிலை, முதுநிலை மற்றும் உயர்வேக தேர்வு ஆகிய பாடங்களில் தட்டச்சு தேர்வுகள் நடந்தன. இந்த தேர்வுகளில் கிருஷ்ணகிரி மாவட்டத்தில் உள்ள அனைத்து வணிகவியல் தட்டச்சு பள்ளிகளின் சார்பில், ஆங்கிலம் தட்டச்சு தேர்வில் 868 மாணவ, மாணவிகளும், தமிழ் தட்டச்சு தேர்வில் 434 மாணவ, மாணவிகள் என மொத்தம் 1,302 மாணவ, மாணவிகள் பங்கேற்றனர். இந்த தேர்வுகளை முதன்மை கண்காணிப்பாளர்கள் மாரிமுத்து மற்றும் சுபா ஆகியோர் மேற்பார்வையில், கூடுதல் முதன்மை கண்காணிப்பாளர்கள் ராபர்ட் கிளைவ், பிரபாகரன், சுவாமி தாஸ் மற்றும் ஆசிரியர்கள் முன்னிலையில் நடந்தது. தொழில் நுட்ப கல்வி இயக்ககத்தில் இருந்து பறக்கும் படையினர் ஆய்வு மேற் கொண்டனர்.