ரெயிலில் அடிபட்டு வாலிபர் பலி

திண்டுக்கல்: 

திண்டுக்கல் அருகே ஏ.வெள்ளோடு பகுதியில் ரெயில் தண்டவாளத்தில் நேற்று இரவு, ஒரு வாலிபர் தலை நசுங்கிய நிலையில் இறந்து கிடந்தார். இதுபற்றி தகவல் கிடைத்ததும் திண்டுக்கல் ரெயில்வே போலீஸ் சிறப்பு சப்--இன்ஸ்பெக்டர் மணிகண்டன், தனிப்பிரிவு போலீஸ்காரர் ராஜேஷ்குமார் ஆகியோர் சம்பவ இடத்துக்கு விரைந்து சென்று விசாரித்தனர். விசாரணையில் இறந்து கிடந்தவர், பேகம்பூர் எஸ்.ஆர்.நகரை சேர்ந்த லியோனி (வயது 23) என்பதும், அந்த வழியாக சென்ற சரக்கு ரெயிலில் அடிபட்டு இறந்ததும் தெரியவந்தது. இதுகுறித்து ரெயில்வே போலீசார் வழக்குப்பதிவு செய்து விசாரித்து வருகின்றனர்.