ஆட்டோ மீது கனரக வாகனம் மோதி 2 குழந்தைகள் பலி

மும்பை, 

மும்பை போரிவிலி கிழக்கு பகுதியில் உள்ள மேம்பாலத்தை நேற்று முன்தினம் மாலையில் ஆட்டோ ஒன்று நெருங்கி கொண்டு இருந்தது. டிரைவரான பிரவேந்திரா குமார் (வயது35) என்பவர் தனது மனைவி மற்றும் மகள், மகனுடன் ஆட்டோவை ஓட்டிச் சென்றார். அப்போது  வேகமாக வந்த கனரக வாகனம் ஒன்று முன்னால் சென்ற இவர்களது ஆட்டோ மீது மோதியது. 

இந்த விபத்தில் ஆட்டோவில் இருந்த பிரவேந்திரா குமாரின் மகன், மகள் ஆகிய 2 குழந்தைகளும் உயிரிழந்தனர்.

ஆட்டோ டிரைவரும், அவரது மனைவியும் காயமடைந்தனர். விபத்து பற்றி அறிந்த தகிசர் போலீசார் சம்பவ இடத்தி்ற்கு காயமடைந்த தம்பதியை மீட்டு ஆஸ்பத்திரிக்கு அனுப்பி வைத்தனர். பலியான அவரது 2 குழந்தைகளின் உடல்களை மீட்டு பிரேத பரிசோதனைக்கு அனுப்பி வைத்தனர். 

இது குறித்து போலீசார் வழக்கு பதிவு செய்து விபத்து ஏற்படுத்திய வாகன டிரைவரை கைது செய்து விசாரணை நடத்தி வருகின்றனர்.