விபத்தில் படுகாயமடைந்த மூதாட்டி சாவு

கீழப்பழுவூர்:

அரியலூர் மாவட்டம் திருமானூர் ஒன்றியத்துக்கு உட்பட்ட கீழப்பழுவூரை சேர்ந்தவர் மணி. இவரது மனைவி மலர்க்கொடி(வயது 63). இவர் உடல்நல குறைவால் திருமானூர் அரசு ஆரம்ப சுகாதார நிலையத்தில் சிகிச்சை பெறுவதற்காக சம்பவத்தன்று வந்துள்ளார். ஆரம்ப சுகாதார நிலையம் அருகே நடந்து சென்றபோது, திருமானூரை சேர்ந்த ராமகிருஷ்ணன் என்பவர் ஓட்டி வந்த இருசக்கர வாகனம் மலர்க்கொடி மீது மோதியது. இதில் பலத்த காயமடைந்த மலர்க்கொடியை அருகில் இருந்தவர்கள் மீட்டு சிகிச்சைக்காக தஞ்சை அரசு மருத்துவ கல்லூரி மருத்துவமனையில் அனுமதித்தனர். அங்கு சிகிச்சை பலனின்றி மலர்க்கொடி பரிதாபமாக இறந்தார். இது குறித்து திருமானூர் போலீசார் வழக்குப்பதிவு செய்து விசாரணை நடத்தி வருகின்றனர்‌.