தேன்கனிக்கோட்டை அருகே டிரைவர் தூக்குப்போட்டு தற்கொலை

தேன்கனிக்கோட்டை:

தேன்கனிக்கோட்டை அடுத்த சாரகப்பள்ளி அருகே உள்ள எஸ்.குப்பட்டியை சேர்ந்தவர் அசோக் (வயது 25). டிரைவர். இவருக்கும், மனைவிக்கும் இடையே அடிக்கடி குடும்ப தகராறு ஏற்பட்டு வந்ததாக கூறப்படுகிறது. இதனால் மனமுடைந்த அசோக் சம்பவத்தன்று தூக்குப்போட்டு தொங்கினார். இதை பார்த்து அதிர்ச்சி அடைந்த உறவினர்கள் அவரை மீட்டு கிருஷ்ணகிரி அரசு மருத்துவமனையில் சிகிச்சைக்காக சேர்த்தனர். ஆனால் அங்கு சிகிச்சை பலனின்றி அசோக் இறந்தார். இதுகுறித்து தளி போலீசார் வழக்குப்பதிவு செய்து விசாரணை நடத்தி வருகின்றனர்.