அடையாளம் தெரியாத முதியவர் பிணம்
கீழையூர் அருகே அடையாளம் தெரியாத முதியவர் பிணமாக கிடந்தார்.
வேளாங்கண்ணி:
கீழையூர் ஒன்றியம் திருப்பூண்டி- திருத்துறைப்பூண்டி கிழக்கு கடற்கரைச் சாலை அருகே வயல்வெளியில் சுமார் 70 வயது மதிக்கத்தக்க முதியவர் ஒருவர் பிணமாக கிடந்தார். இதுகுறித்து தகவல் அறிந்த கீழையூர் போலீசார் சம்பவ இடத்திற்கு சென்று முதியவரின் உடலை கைப்பற்றி பிரேத பரிசோதனைக்காக நாகை அரசு மருத்துவக்கல்லூரி ஆஸ்பத்திரிக்கு அனுப்பி வைத்தனர். மேலும் இதுதொடர்பாக போலீசார் வழக்குப்பதிவு செய்து பிணமாக கிடந்த முதியவர் யார்? எந்த ஊரை சேர்ந்தவர்? எப்படி இறந்தார்? என பல்வேறு கோணங்களில் விசாரணை நடத்தி வருகின்றனர்.