விவசாயி வீட்டுக்குள் புகுந்த சாரைப்பாம்பு

போடி: 

போடி சுப்புராஜ் நகர் புதுகாலனி அருகே வெண்ணிமலை தோப்பு 4-வது தெருவை சேர்ந்தவர் ஜெயபால். விவசாயி. இவரது வீட்டில் நேற்று காலையில் பாம்பு ஒன்று புகுந்தது. உடனே அவர் போடி தீயணைப்பு நிலையத்திற்கு தகவல் கொடுத்தார். 

அதன்பேரில் போடி தீயணைப்பு நிலைய அலுவலர் சக்திவேல் தலைமையிலான தீயணைப்பு வீரர்கள் அங்கு விரைந்து வந்தனர். அவர்கள் சுமார் ஒரு மணி நேரம் போராடி 8 அடி நீளமுள்ள சாரைப்பாம்பை பிடித்தனர். பின்னர் அந்த பாம்பை தீயணைப்பு வீரர்கள் வனத்துறையினரிடம் ஒப்படைத்தனர்.