குண்டர் சட்டத்தில் 2 வாலிபர்கள் கைது
குண்டர் சட்டத்தில் 2 வாலிபர்கள் கைது
தஞ்சாவூர்;
தஞ்சை மாவட்டம் திருவிடைமருதூரை அடுத்த திருபுவனம் தெற்கு வீதியை சேர்ந்தவர் ராஜேந்திரன். இவருடைய மகன் குருமூர்த்தி (வயது 22). கும்பகோணம் தாலுகா பழவத்தான் கட்டளை முல்லை நகரை சேர்ந்தவர் மணிவண்ணன். இவருடைய மகன் பிரேம்குமார் (22). இவர்கள் 2 பேர் மீதும் பல்வேறு வழக்குகள் உள்ளன. இதையடுத்து குருமூர்த்தி, பிரேம்குமார் ஆகியோரை குண்டர் சட்டத்தில் கைது செய்ய தஞ்சை மாவட்ட போலீஸ் சூப்பிரண்டு ரவளிபிரியா, கலெக்டர் தினேஷ் பொன்ராஜ் ஆலிவருக்கு பரிந்துரை செய்தார். இதையடுத்து கலெக்டர் உத்தரவின் பேரில், குருமூர்த்தி, பிரேம்குமார் ஆகியோரை குண்டர் சட்டத்தில் நாச்சியார் கோவில் போலீஸ் இன்ஸ்பெக்டர் ரேகாராணி கைது செய்து திருச்சி மத்திய சிறையில் அடைத்தார்.