காவேரிப்பட்டணம் அருகே டிராக்டர் கவிழ்ந்து டிரைவர் பலி

காவேரிப்பட்டணம்:

காவேரிப்பட்டணம் அருகே உள்ள நரிமேடு ஆத்துகாரன்கொட்டாய் பகுதியை சேர்ந்தவர் ரவி (வயது 45). டிராக்டர் டிரைவர். நேற்று முன்தினம் இவர் டிராக்டரை காவேரிப்பட்டணம்-சாப்பரம் சாலையில் குட்டிகவுண்டனூர் பக்கமாக ஓட்டி சென்றார். அவருடன் நரிமேடு பகுதியை சேர்ந்த கோவிந்தராஜ் (45) என்பவர் உடன் சென்றார். அப்போது எதிர்பாராதவிதமாக டிராக்டர் கவிழ்ந்தது. இதில் பலத்த காயம் அடைந்த ரவி சம்பவ இடத்திலேயே இறந்தார். கோவிந்தராஜ் படுகாயம் அடைந்தார். அவரை அருகில் இருந்தவர்கள் மீட்டு சிகிச்சைக்காக கிருஷ்ணகிரி அரசு ஆஸ்பத்திரியில் சேர்த்தனர். இந்த விபத்து குறித்து காவேரிப்பட்டணம் போலீசார் வழக்குப்பதிவு செய்து விசாரணை நடத்தி வருகிறார்கள்.