விநாயகர் கோவில்களில் சிறப்பு அபிஷேகம்

நொய்யல் அருகே முத்தனூரில் வருண கணபதி கோவில் உள்ளது. இக்கோவிலில் பங்குனி மாத சங்கடஹர சதுர்த்தியை முன்னிட்டு விநாயகருக்கு பால், தயிர், பன்னீர், இளநீர் உள்ளிட்ட 18 வகையான வாசனை திரவியங்களால் அபிஷேகம் நடைபெற்றது. தொடர்ந்து மலர்களால் அலங்காரம் செய்யப்பட்டு தீபாராதனை காட்டப்பட்டது. அதேபோல் சேமங்கி, மரவாபாளையம், குளத்துப்பாளையம், வேட்டமங்கலம், குந்தாணிபாளையம், நொய்யல் உள்ளிட்ட பல்வேறு பகுதிகளில் உள்ள விநாயகர் ேகாவில்களில் சிறப்பு அபிஷேகம் நடந்தது. இதில் திரளான பக்தர்கள் கலந்து கொண்டனர்.