பாலக்கோடு அருகே ஏரியில் மூழ்கி டிரைவர் சாவு

பாலக்கோடு:

தர்மபுரி மாவட்டம் பாலக்கோடு தீர்த்தகிரி நகரை சேர்ந்தவர் கமலேசன். இவரது  மகன் அன்னையன் (வயது21). வேன் டிரைவர். இவர் நேற்று தனது  நண்பர்களுடன் சோமனஅள்ளி ஏரிக்கு குளிக்க சென்றார். அன்னையனுக்கு நீச்சல் தெரியாததால் ஏரி ஓரத்தில் நின்று குளித்து கொண்டு இருந்தார். அப்போது அவர் திடீரென தண்ணீரில் மூழ்கினார். இதனால் அதிர்ச்சி அடைந்த நண்பர்கள், அவரை மீட்டு கரைக்கு கொண்டு வந்தனர். அப்போது அன்னையன் இறந்து விட்டது தெரியவந்தது. இதுகுறித்து பாலக்கோடு போலீசுக்கு தகவல் தெரிவிக்கப்பட்டது. அதன்பேரில் போலீசார் விரைந்து சென்று அவருடைய உடலை மீட்டு பாலக்கோடு அரசு ஆஸ்பத்திரிக்கு அனுப்பி வைத்தனர். இதுகுறித்து பாலக்கோடு போலீசார் வழக்குப்பதிவு செய்து விசாரணை நடத்தி வருகின்றனர்.