நல்லம்பள்ளி அருகே கஞ்சா விற்றவர் கைது

நல்லம்பள்ளி:

நல்லம்பள்ளி அருகே உள்ள வட்டாளிகொட்டாய் பகுதியில் அதியமான்கோட்டை போலீசார் ரோந்து சென்றனர். அப்போது சாலையோரம் நின்றிருந்தவரை பிடித்து போலீசார் சோதனை செய்தனர். அப்போது அவர் 100 கிராம் கஞ்சா வைத்திருப்பது தெரியவந்தது. போலீசார் நடத்திய விசாரணையில் அவர் அதேபகுதியை சேர்ந்த கன்னியப்பன் (வயது55) என்பதும், கஞ்சா விற்றதும் தெரியவந்தது. இதையடுத்து அவரை போலீசார் கைது செய்தனர். மேலும் அவரிடம் இருந்த கஞ்சா பறிமுதல் செய்யப்பட்டது.