மானை வேட்டையாடியவர் கைது

டி.என்.பாளையம் அருகே கடம்பூர் பவளக்குட்டை பகுதியில் உள்ள விவசாய தோட்டத்தில் ஒருவர் மான் இறைச்சி வைத்து இருப்பதாக கடம்பூர் வனத்துறையினருக்கு ரகசிய தகவல் கிடைத்தது. அதைத்தொடர்ந்து வனத்துறையினர் அங்குள்ள ஒரு வீட்டு்க்கு சென்று சோதனையிட்டனர்.

இதில் அந்த வீட்டில் 4 கிலோ மான் இறைச்சி வைத்திருந்தது கண்டு்பிடிக்கப்பட்டது.  இதுதொடர்பாக வீட்டு உரிமையாளரை பிடித்து விசாரணை நடத்தினார்கள். விசாரணையில் அவர் கடம்பூர் அருகே உள்ள பவளக்குட்டை பகுதியை சேர்ந்த ராமசாமி மகன் பெரியசாமி (வயது 39) என்பது தெரியவந்தது. மேலும் நடத்திய விசாரணையின்போது அவர், ‘பவளக்குட்டையில் உள்ள தனது விவசாய தோட்டத்தில் நான் கண்ணி வலை வைத்தேன். அதில் புள்ளிமான் ஒன்று சிக்கியது. அந்த மானை சமைத்து சாப்பிட்டது போக மீதமுள்ள இறைச்சியை சாப்பிட வைத்திருந்தேன்’ என்று தெரிவித்தார்.

இதைத்தொடர்ந்து பெரியசாமியை வனத்துறையினர் கைது செய்தனர். அவரிடம் இருந்து 4 கிலோ மான் இறைச்சி பறிமுதல் செய்யப்பட்டது