தினத்தந்தி புகார் பெட்டி
திருவாரூர் மாவட்டத்தில் உள்ள குறைகள் ்புகார் பெட்டி்யில் கூறப்பட்டுள்ளது.
சாலை சீரமைக்கப்படுமா?
திருவாரூர் மாவட்டம் திருத்துறைப்பூண்டியை அடுத்த இடும்பாவனம் பகுதி கீழவாடியக்காட்டில் உள்ள சாலை குண்டும், குழியுமாக உள்ளது. குறிப்பாக சாலையில் உள்ள ஜல்லிக்கற்கள் பெயர்ந்து சாலை கரடு, முரடாக இருக்கிறது. இதன் காரணமாக பொதுமக்கள் மற்றும் வாகன ஓட்டிகள் மிகுந்த சிரமத்துக்குள்ளாகி வருகின்றனர். மேலும், மழைக்காலங்களில் சாலை சேறும், சகதியுமாக மாறிவிடுகிறது. இதனால் அந்த வழியாக செல்லும் வாகன ஓட்டிகள் அடிக்கடி விபத்துகளில் சிக்கிக்கொள்கின்றனர். எனவே, சம்பந்தப்பட்ட அதிகாரிகள் பொதுமக்கள், வாகன ஓட்டிகள் நலன் கருதி சாலையை சீரமைத்து தர நடவடிக்கை எடுப்பார்களா?
-பொதுமக்கள், திருத்துறைப்பூண்டி.