ஆதனக்கோட்டையில் மோட்டார் சைக்கிள் மீது லாரி மோதல்; வாலிபர் பலி

புதுக்கோட்டை மாவட்டம், ஆதனக்கோட்டையை சேர்ந்தவர் முத்தழகன். இவரது மகன் மணிகண்டன் (வயது 26). இவர் சம்பவத்தன்று தனது மோட்டார் சைக்கிளில் ஆதனக்கோட்டை கடை வீதிக்கு வந்து கொண்டிருந்தார். அப்போது திண்டுக்கல்லை சேர்ந்த கண்ணன் (56) என்பவர் ஓட்டி வந்த லாரி, மோட்டார் சைக்கிள் மீது மோதியது. இதில் படுகாயமடைந்த மணிகண்டனை அருகில் உள்ளவர்கள் மீட்டு சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனைக்கு ஆம்புலன்ஸ் மூலம் அனுப்பி வைத்தனர். அங்கு தீவிர சிகிச்சை பிரிவில் சேர்க்கப்பட்டு சிகிச்சை பெற்று வந்த மணிகண்டன் சிகிச்சை பலனின்றி நேற்று பரிதாபமாக இறந்தார். 

இதுகுறித்து முத்தழகன் ஆதனக்கோட்டை போலீஸ் நிலையத்தில் புகார் அளித்தார். அதன்பேரில் போலீஸ் சப்-இன்ஸ்பெக்டர் ரவி வழக்குப்பதிவு செய்து விசாரணை நடத்தி வருகிறார்.