வாணியம்பாடி அருகே லாரி மீது கார் மோதி 3 பேர் படுகாயம்
வாணியம்பாடி அருகே லாரி மீது கார் மோதி 3 பேர் படுகாயம் அடைந்தனர்.
வாணியம்பாடி
சென்னையை சேர்ந்தவர் அப்துல்லா. இவர் பெங்களூருவில் நடக்கும் ஒரு திருமணத்தில் கலந்துகொள்வதற்காக காரில் குடும்பத்துடன் சென்றார். வாணியம்பாடி பைபாஸ் ரோட்டில் முன்னால் சென்ற லாரி மீது கார் மோதியது. இதில் காரில் பயணம் செய்த அப்துல்லா (வயது 35), அவரது மனைவி முபீனா (23), குழந்தை சித்திக் (1) ஆகியோர் படுகாயம் அடைந்தனர். உடனடியாக அவர்களை மீட்டு வாணியம்பாடி அரசுமருத்துவமனைக்கு பொதுமக்கள் அனுப்பி வைத்தனர்.
இந்த விபத்து தொடர்பாக வாணியம்பாடி டவுன் போலீசார் வழக்கு பதிவு செய்து விசாரணை நடத்தி வருகின்றனர்.